Allah hoo allah Hoo lyrics by Nusrat Fateh Ali Khan

Allah Hoo Allah Hoo  Lyrics

 Singer : Nusrat Fateh Ali Khan 
Genre:Qawali 

Maalikul mulk laa shariikaa lahuu
vaahdahuu laa ilaaha illaa huu
Shams Tabrez gar Khudaa talaabii
khusbuukhaaN laa ilaa illa huu

Kaunain kaa masjuud hai maabuud hai tuu
har shai terii shaahid hai ke mash'uud hai tuu
har ek ke lab par hai terii hamd-o-sanaa
har soz meN har saaz meN maujuud hai tuu

tere hii naam se har ibtidaa hai
tere hii naam tak har intihaa hai
terii hamd-o-sanaa, alhumdulillah
ke tuu mere Muhammad kaa Khudaa hai

Allah huu Allah huu
Allah huu Allah huu


ye zamiin jab na thii, ye jahaaN jab na thaa
chaaNd suraj na the, aasmaaN jab na thaa
raaz-e-haq bhii kisii par ayaaN jab na thaa
jab na thaa kuch yahaaN, thaa magar tuu hi tuu


pahuNche meraaj meN arsh tak Mustafaa
jab na maabuud-o-bande meN pardaa rahaa
tab malaaik ne Hazrat se chhup kar kahaa
saarii maKhluuq meN haq-numaa tuu hii tuu

kyuun piyaa ibn-e-Haider ne jaam-e-fanaa?
Khaal khichvaa'ii Tabrez ne kyuuN bhalaa?
daar par chaRh kar Mansoor ne kyaa kahaa?
sab banaa ke khilone rahaa tuu hii tuu

ame
Khaaliq-e-kul hai tuu ismeN kyaa guftuguu
saare aalam ko hai teri hi justujuu
teri jalvaagarii hai ayaaN chahaar-suu
laa shariikaa lahuu, maalik-e-mulk tuu


har shai tere jamaal kii aaiinaa-daar hai
har shai pukaartii hai tuu parvardigaar hai


terii rabuubiyat kii adaa ko kamaal hai
tuu rabb-e-qaaynaat hai, tuu laa-zavaal hai



tuu jo har aan nayii shaan dikhaa detaa hai
diidaa-e-shauq ko hairaaan banaa detaa hai
Daalii Daalii terii takhliiq ke gun gaatii hai
pattaa pattaa terii qudrat kaa pataa detaa hai


laa ilaahaa terii shaan yaa! vaadahuu
tuu Khayaal-o-tajassus, tuu hii aarzuu
aaNkh kii roshnii, dil kii aavaaz
thaa bhii tuu, hai bhii tuu, hogaa bhii tuu